विदर्भवीर…!

निवडणुकीत पडला की, लोक ठेवत नाहीत उभा
मग तो फुगवतो, स्वतंत्र विदर्भाचा फुगा!

शिवाजीचं नाव घेऊन, विदर्भ पेटवतो
रात्री लागलं मुतायला, की बायकोला उठवतो!

सत्तेत असताना, आठवत नाही विदर्भ
पक्षातून काढलं की, देतो मागचे संदर्भ!

विदर्भ पाहिजे असल्यास, आधी करा विकास
मजुराच्या हातातली, काढून टाका टिकास!

हातात घ्या फावडं, करा भ्रष्टाचार साफ
भाषणं देऊन तोंडाची, घालवू नका वाफ!

तुम्हीच बसा उपोषणाला, तुम्हीच व्हा शहीद
तुमचे नाव लिहु आम्ही, विदर्भाच्या वहित…!

-दिवाकर देशमुख

Add a Comment

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

This site uses Akismet to reduce spam. Learn how your comment data is processed.